News

ပုစြန္တုပ္ထဲက သံခဲ ၂ ခဲနဲ႔ ယခုထက္ထိ အေတာမသတ္ႏိုင္ေသးတဲ့ ေလာဘသား ေစ်းသည္မ်ား

ပုစြန္တုပ္ထဲက သံခဲ ၂ ခဲနဲ႔ ယခုထက္ထိ အေတာမသတ္ႏိုင္ေသးတဲ့ ေလာဘသား ေစ်းသည္မ်ား

ယေန႔ ေစ်းက ဝယ္လာတဲ့ ပုစြန္တုပ္ကို ခ်က္မလို႔ သန႔္ရွင္းေရး လုပ္လိုက္တဲ့အခါမွာေတာ့ ပုစြန္တုပ္ အသားထဲမွာ ျမႇဳပ္ထားတဲ့ သံခဲ ၂ ခဲကို ထူးဆန္းစြာ ေတြ႕ရပါတယ္။ သံခဲ ၂ ခဲက ေတာ္ေတာ္ ေလးၿပီး အနည္းဆုံး ၁၀ သားေလာက္ ရွိပါတယ္။ ဒီလိုလုပ္တာဟာ အေလးခိုးတဲ့ နည္းလိုပါပဲ၊ ေစ်းဆိုင္ထဲက ခ်ိန္ခြင္ေတြ၊ ကတၱားေတြမွာ အေလးခိုး မထားဘဲ ဝယ္မယ့္ ပစၥည္းထဲမွာ အေလးခ်ိန္ မ်ား‌ေအာင္ ထည့္လိုက္တဲ့ သေဘာပါ။

ၾကက္ဆိုလည္း ေဆးထိုးအပ္နဲ႔ ေရထိုး၊ ဝက္သားဆိုလည္း လတ္တယ္ထင္ရေအာင္ ေသြးေတြကို အသားေတြ ေပၚ သုတ္ေပး၊ ငါးဆိုလည္း ဗိုက္တို႔ ေခါင္းတို႔ထဲမွာ အခုလို သံတုံးေတြ ခဲတုံးေတြထည့္၊ ႏွမ္းထဲမွာဆို သဲေရာ စတဲ့ နည္းေတြဟာ ျမန္မာျပည္က ဝိသမ ေလာဘသား ေစ်းသည္ အေတာ္မ်ားမ်ားရဲ႕ ေစ်းဝယ္သူကို ဂ်င္းထည့္ နည္း ျဖစ္ပါတယ္။


ဒီလို ပုံစံနဲ႔ ေခတ္အဆက္ဆက္ ေစ်းဝယ္သူကို ဂ်င္းထည့္လာခဲ့ၾကတာ ယေန႔ေခတ္တိုင္ေအာင္ပါပဲ။ ေစ်းသည္ေတြကေတာ့ ေစ်းဝယ္ေတြက ဆစ္တာနဲ႔ ကာမိေအာင္ ဒီလို လုပ္ရတယ္ဆိုၿပီး အေၾကာင္းျပေပမယ့္ ဒါဟာ မေကာင္းမႈ လုပ္တာပါပဲ။ ဆရာေတာ္ႀကီးေတြကလည္း ေစ်းသည္ေတြ အေလးခိုးရင္ ခံရမယ့္ အျပစ္ေတြကိုလည္း အတိအလင္း ေဟာထားေပမယ့္ ယခုထက္ထိ လုပ္ေနၾကတုန္းပါပဲ။

အရင္တုန္းကေတာ့ အေလးမျပည့္ဘူးလို႔ ေစ်းဝယ္သူက ယူဆရင္ ေစ်းေခါင္း႐ုံးေရွ႕မွာ ထားတဲ့ သမာဓိခ်ိန္ခြင္မွာ သြားခ်ိန္ၿပီး အေလးျပည့္ မျပည့္ ၾကည့္လို႔ရပါတယ္။ ေစ်းေခါင္းကလည္း တာဝန္ ယူေပးေလ့ ရွိပါတယ္။ အခုေနာက္ပိုင္းက်ေတာ့ ေစ်းေခါင္းေတြလည္း ေစ်းေကာက္ ေကာက္တာကလြဲလို႔ ဘာမွ မလုပ္ေတာတာကို ဝမ္းနည္းဖြယ္ေတြ႕ရပါတယ္။


ႏိုင္ငံတကာမွာေတာ့ wet market လို႔ ေခၚတဲ့ ဒီလိုသားစိမ္းငါးစိမ္းေစ်းမွာ ေရာင္းမယ္ဆို သန႔္ရွင္းသပ္ရပ္ၿပီး က်န္းမာေရးနဲ႔ ညီၫႊတ္ရမယ္၊ အေလး မခိုးရဘူး စတဲ့ စည္းကမ္းခ်က္ေတြကို လိုက္နာႏိုင္မွသာ ေရာင္းရမွာ ျဖစ္ပါတယ္။ ကြၽန္ေတာ္တို႔ ျမန္မာျပည္ မွာက်ေတာ့ ေစ်းေကာက္နဲ႔ အဆင္ေျပရင္ ဘယ္လိုပဲ ေရာင္းေရာင္း အိုေကပါၿပီ ဆိုတဲ့ ပုံစံျဖစ္ေနပါတယ္။ ျမန္မာေတြဟာ ႐ိုးသားၾကပါတယ္ဆိုၿပီး ေျပာေနေပမယ့္လည္း ဒီလို တနပ္စား ဉာဏ္ေတြနဲ႔ ဝိသမေလာဘသားေတြ ႀကီးထြားေနတာဟာ အလြန္ စိုးရိမ္ဖို႔ေကာင္းေနပါတယ္လို႔ သံခဲ ၂ ခဲ ပါတဲ ပုစြန္တုပ္ကို ၾကည့္ၿပီး အေတြး ပြားေနမိပါေတာ့တယ္။

Unicode

ပုစွန်တုပ်ထဲက သံခဲ ၂ ခဲနဲ့ ယခုထက်ထိ အတောမသတ်နိုင်သေးတဲ့ လောဘသား စျေးသည်များ

ယနေ့ စျေးက ဝယ်လာတဲ့ ပုစွန်တုပ်ကို ချက်မလို့ သန့်ရှင်းရေး လုပ်လိုက်တဲ့အခါမှာတော့ ပုစွန်တုပ် အသားထဲမှာ မြှုပ်ထားတဲ့ သံခဲ ၂ ခဲကို ထူးဆန်းစွာ တွေ့ရပါတယ်။ သံခဲ ၂ ခဲက တော်တော် လေးပြီး အနည်းဆုံး ၁၀ သားလောက် ရှိပါတယ်။ ဒီလိုလုပ်တာဟာ အလေးခိုးတဲ့ နည်းလိုပါပဲ၊ စျေးဆိုင်ထဲက ချိန်ခွင်တွေ၊ ကတ္တားတွေမှာ အလေးခိုး မထားဘဲ ဝယ်မယ့် ပစ္စည်းထဲမှာ အလေးချိန် များ‌အောင် ထည့်လိုက်တဲ့ သဘောပါ။

ကြက်ဆိုလည်း ဆေးထိုးအပ်နဲ့ ရေထိုး၊ ဝက်သားဆိုလည်း လတ်တယ်ထင်ရအောင် သွေးတွေကို အသားတွေ ပေါ် သုတ်ပေး၊ ငါးဆိုလည်း ဗိုက်တို့ ခေါင်းတို့ထဲမှာ အခုလို သံတုံးတွေ ခဲတုံးတွေထည့်၊ နှမ်းထဲမှာဆို သဲရော စတဲ့ နည်းတွေဟာ မြန်မာပြည်က ဝိသမ လောဘသား စျေးသည် အတော်များများရဲ့ စျေးဝယ်သူကို ဂျင်းထည့် နည်း ဖြစ်ပါတယ်။


ဒီလို ပုံစံနဲ့ ခေတ်အဆက်ဆက် စျေးဝယ်သူကို ဂျင်းထည့်လာခဲ့ကြတာ ယနေ့ခေတ်တိုင်အောင်ပါပဲ။ စျေးသည်တွေကတော့ စျေးဝယ်တွေက ဆစ်တာနဲ့ ကာမိအောင် ဒီလို လုပ်ရတယ်ဆိုပြီး အကြောင်းပြပေမယ့် ဒါဟာ မကောင်းမှု လုပ်တာပါပဲ။ ဆရာတော်ကြီးတွေကလည်း စျေးသည်တွေ အလေးခိုးရင် ခံရမယ့် အပြစ်တွေကိုလည်း အတိအလင်း ဟောထားပေမယ့် ယခုထက်ထိ လုပ်နေကြတုန်းပါပဲ။

အရင်တုန်းကတော့ အလေးမပြည့်ဘူးလို့ စျေးဝယ်သူက ယူဆရင် စျေးခေါင်းရုံးရှေ့မှာ ထားတဲ့ သမာဓိချိန်ခွင်မှာ သွားချိန်ပြီး အလေးပြည့် မပြည့် ကြည့်လို့ရပါတယ်။ စျေးခေါင်းကလည်း တာဝန် ယူပေးလေ့ ရှိပါတယ်။ အခုနောက်ပိုင်းကျတော့ စျေးခေါင်းတွေလည်း စျေးကောက် ကောက်တာကလွဲလို့ ဘာမှ မလုပ်တောတာကို ဝမ်းနည်းဖွယ်တွေ့ရပါတယ်။


နိုင်ငံတကာမှာတော့ wet market လို့ ခေါ်တဲ့ ဒီလိုသားစိမ်းငါးစိမ်းစျေးမှာ ရောင်းမယ်ဆို သန့်ရှင်းသပ်ရပ်ပြီး ကျန်းမာရေးနဲ့ ညီညွှတ်ရမယ်၊ အလေး မခိုးရဘူး စတဲ့ စည်းကမ်းချက်တွေကို လိုက်နာနိုင်မှသာ ရောင်းရမှာ ဖြစ်ပါတယ်။ ကျွန်တော်တို့ မြန်မာပြည် မှာကျတော့ စျေးကောက်နဲ့ အဆင်ပြေရင် ဘယ်လိုပဲ ရောင်းရောင်း အိုကေပါပြီ ဆိုတဲ့ ပုံစံဖြစ်နေပါတယ်။ မြန်မာတွေဟာ ရိုးသားကြပါတယ်ဆိုပြီး ပြောနေပေမယ့်လည်း ဒီလို တနပ်စား ဉာဏ်တွေနဲ့ ဝိသမလောဘသားတွေ ကြီးထွားနေတာဟာ အလွန် စိုးရိမ်ဖို့ကောင်းနေပါတယ်လို့ သံခဲ ၂ ခဲ ပါတဲ ပုစွန်တုပ်ကို ကြည့်ပြီး အတွေး ပွားနေမိပါတော့တယ်။

Hosting ဖိုးသွင်းရန် Viber 09799540772 သို့ဆက်သွယ်ပေးပါ

X